Hljóðvist

Hljóðvist snýst ekki bara um hvort rými sé hávaðasamt. Hún snýst um hvernig hljóð berst, endurkastast og safnast fyrir og hvaða áhrif það hefur á fólk. Truflun sem við tökum ekki alltaf eftir, getur samt haft áhrif á frammistöðu, samskipti og líðan. Sérfræðingar Lotu greina hljóðvistina og hjálpa þér að snúa henni úr váhrifavaldi í áhrifavald.

Váhrifavaldur vs. áhrifavaldur

Slæm hljóðvist hefur meiri áhrif en margir gera sér grein fyrir. Í hávaðasömum rýmum hækkar fólk röddina til að heyrast betur, sem eykur hljóðstig enn frekar, sem kallar á enn meiri raddbeitingu. Þessi vítahringur veldur þreytu og pirringi og getur leitt til samskiptavanda, misskilnings og lakari frammistöðu. Góð hljóðvist skapar hins vegar aðstæður þar sem fólk getur unnið, átt samskipti og einbeitt sér með meiri ró og skýrleika.

Maður situr fyrir framan hönnunaruppdrætti á vegg og borði, með höndina fyrir eyrun og andlit sem sýnir streitu.

Maður í dökkri skyrtu situr brosandi framan við borð með teikningum og mælistiku, bakgrunnurinn er klæddur með arkitektúrteikningum.

Skert einbeiting

Þegar hávaði er viðvarandi fer orka heilans í að sía út truflanir í stað þess að nýtast í verkefnið sjálft. Það birtist sem þreyta og erfiðleikar við að halda fókus, sérstaklega í nákvæmnisvinnu. Þetta er váhrifavaldur sem sést lítið en finnst skýrt í daglegri vinnu.

Misskilningur í samskiptum

Léleg hljóðaðgreining á fundum, í kennslu og í samskiptum milli deilda leiðir auðveldlega til misskilnings og endurtekinna útskýringa. Oft er vandinn rakinn til annarra orsaka, þó hljóðvistin sé í raun váhrifavaldurinn í bakgrunni.

Streita sem safnast fyrir

Hávaði er streituvaldur jafnvel þótt við séum ekki alltaf meðvituð um hann. Þegar rýmið krefst stöðugrar aðlögunar safnast álagið upp og hefur áhrif á bæði líðan og frammistöðu. Lota hjálpar þér að breyta rými sem vinnur gegn fólki í rými sem styður við það.

meðmæli

Orð frá viðskiptavinum okkar

"VSÓ Ráðgjöf hefur til margra ára átt gott samstarf við Lotu í fjölmörgum og fjölbreyttum verkefnum, bæði á Íslandi og í Noregi.Starfsfólk Lotu er lipurt í samskiptum og viðmót þeirra ætíð jákvætt og faglegt."

"Við höfum átt í góðu samstarfi við Lotu. Starfsfólk er lausnamiðað og vinnur að sameiginlegu markmiði."

"Reykjanesbær hefur átt farsælt samstarf við Lotu í nokkrum mikilvægum verkefnum. Við erum afar ánægð með þá faglegu, nákvæmu og tímanlegu þjónustu sem starfsmenn Lotu veita. Þeir hafa reynst traustir samstarfsaðilar sem leggja sig fram um að mæta þörfum okkar með metnaði og virðingu."

„Við hjá exa nordic höfum átt farsælt samstarf við Lotu verkfræðistofu um verkefni af fjölbreyttum toga. Má þar nefna hönnun á Svansvottuðum leikskóla í Urriðaholti, endurnýjun á vindmyllum við Þykkvabæ, bílastæða- og tæknihús NLSH, og hönnun á nýju öryggisfangelsi að Stóra Hrauni. Þar til viðbótar höfum við tengst fjölmörgum samkeppnum og ýmsum minni verkefnum sem hafa gengið mjög vel.“

"Arkís arkitektar og Lota hafa átt langt og árangursríkt samstarf í mörgum verkefnum í gegnum árin. Slíkt samstarf skiptir okkur miklu máli og er lykilatriði í hönnun flókinna mannvirkja. Starfsfólk fyrirtækisins er reynslumikið og með góða sérfræðiþekkingu sem stuðlar að skilvirku og markvissu samtali í hönnunarferlinu."

"Við hjá HJARK áttum mjög gott samstarf við Lotu við hönnun leikskólans Urriðabóls II í Urriðaholti, sem er fyrsti svansvottaði leikskóli landsins. Þar sá Lota um rafmagns- og lýsingar hönnun."

"Það hefur verið okkur mikil ánægja að eiga samstaf við Lotu, öll samskipti fyrsta flokks og verkefnin leyst af mikilli fagmennsku. Kærar þakkir fyrir það."

"StormOrka ehf. hefur starfað með Lotu um árabil og hefur ætíð ríkt mikil ánægja með faglega sem og liðlega þjónustu stofunnar. Lota er stofa sem við treystum."

"Það sem mér finnst mikilvægast sem einkaaðili, að það sé komið fram við mann sem slíkan og að manni líði eins og maður sé að fá það sem borgað er fyrir. Það fæ ég frá ykkur."

"Það hefur verið frábært að vinna með sérfræðingum Lotu við þróun á sjálfsafgreiðslustöðvum Pikkoló undanfarin ár. Framúrskarandi þjónusta í alla staði!"