Í röðum starfsmanna Lotu finnst mikil sérþekking á BIM aðferðafræðinni. BIM aðferðafræðin hefur síðasta áratug verið að ryðja sér til rúms á Íslandi enda gefið góða raun í því að tryggja skilvirka og samhæfða mannvirkjahönnun þvert á faggreinar. Í eðli sínu er BIM ferlið einfalt og stuðlar að skipulagðri upplýsingagjöf og úrlausn hönnunarvandamála á grunnstigi hönnunarverkefna. Margir þekkja aukin kostnað við breytingar á hönnun seint í hönnunarferli eða jafnvel á framkvæmdarstigi byggingarverkefna og hefur BIM aðferðafræðin verið árangursrík í að takmarka kostnað vegna þessa. 

Þótt ekki sé um beintengingu á milli BIM aðferðafræðinnar og notkun þrívíddarlíkana í hönnun eru margir sem tengja þarna á milli. Hönnun í sameiginlegum þrívíddarmódelum einfaldar samhæfingu og bíður uppá áður óþekkta möguleika þegar kemur að rekstri mannvirkja. Þegar þrívíddarmódel af mannvirki er til staðar er hægt að leggja inn upplýsingar fyrir staka íhluti mannvirkisins eins og gagnablöð, ábyrgðartímabil og jafnvel viðhaldsáætlanir sem veita rekstraraðilum mannvirkisins ómælda stoð þegar líða tekur á líftíma mannvirkisins. Við hjá Lotu aðstoðum þig við að nýta þá möguleika í hönnunarmódelinu sem henta þínu verkefni.